Kva du treng å ha med deg på tur, kjem an på kva tur du skal på. Ei pakkeliste gjer pakkinga enklare og kjappare, fordi alt du treng på turen, er lista opp. Med ei pakkeliste kan du òg lett sjå om du har alt utstyret du treng for turen du skal på.

Tenk over før du pakkar

• Kva type tur skal eg på, og kva utstyr krev turen?
• Kva utstyr er heilt nødvendig å ha med (tenk tryggleik)?
• Kva kan eg droppe å ta med (eller ta med ekstra om det ikkje er så langt å gå)?

Slik pakkar du sekken

• Dei tyngste tinga bør alltid pakkast tettast mogleg inntil ryggen.
• Døme er mat og matlagingsutstyr.
• Pakk ting du ikkje treng før du er framme, i botnen av sekken.
• Fordel vekta jamt i begge sider av sekken.
• Legg det du har bruk for i løpet av dagen, i toppen av sekken, sidelommer og topplok:
• kart og kompass, kniv, hovudlykt i topploket
• niste, vatn og termos i sidelommer eller i toppen av sekken
• ekstra klede og førstehjelp i toppen av sekken
• Pakk vasstett!
• Bruk gjerne ein stor søppelsekk i heile sekken og fleire små posar oppi.
• Det er lettare å halde orden om du bruker fleire mindre posar, med faste fargar og fast innhald.
• Du kan kjøpe vasstette pakkeposar, men vanlege plastposar fungerer like bra så lenge dei er heile.
• Pass alltid på å ikkje pakke mat og brennstoff i nærleiken av kvarandre.

Grunnutrusting – dette skal alltid vere med i sekken

Grunnutrustinga er den delen av oppakninga som er lik anten du skal vere ute ei helg eller ei veke. Dette er altså utstyr du bruker på turar generelt, og som ikkje varierer, til forskjell frå forbruksmateriell som mat og drivstoff. Med andre ord kan grunnutrustinga i prinsippet alltid liggje klar i sekken, for rask og effektiv pakking.

Overnattingsturar

Grunnutrustinga består av sekk, soveutstyr, kjøkkenutstyr, klede, hygieneutstyr og tryggingsutstyr. Lista for vinter og sommar er i utgangspunktet lik, men vi må skifte ut soveutstyr og klede etter årstida.

• Vandresekk

Sekken er kanskje det første og viktigaste utstyret ein skaffar seg til friluftslivet. Utan denne kjem ein ikkje langt!

Meir om val av tursekk finn du her: 🎒Sekk (nynorsk).

• Soveutstyr

Skal du overnatte ute, treng du utstyr for dette. Eit typisk sett med soveutstyr består av telt/tarp, sovepose og liggjeunderlag.

Les meir om 🛌Sovepose (nynorsk) og 🗞️Liggjeunderlag (nynorsk).

• Klede

På overnattingsturar er det lurt å venne seg til å alltid ha eit tørt skift med ullundertøy (over- og underdel), sokkar og eit varmande mellomlag (boblejakke eller ullgenser). Eit lett og pakkbart sett med regntøy er òg lurt å ha tilgjengeleg.

Les meir om 🧥Påkledning (nynorsk).

• Kjøkkenutstyr

Det er viktig å kunne lage mat på tur. Her er det likevel stor variasjon i kva folk føretrekkjer. Om vekta på sekken er viktig, greier du deg med fyrtøy, brennar, ein kjele, ein kniv, ei flaske og ei skei.

Les meir om 🪵Varmekjelder til matlaging (nynorsk).

• Hygieneutstyr

Å oppretthalde god hygiene på tur er viktig. I sekken bør du alltid ha tannkost, ei miljøvennleg alt-mogleg-såpe og antibac.

Les meir om 🧼Hygiene på tur (nynorsk).

• Tryggingsutstyr

Tryggingsutstyr omfattar ting som er nødvendige å ha med for å vareta tryggleiken på tur på ulike måtar.

1. Kompasset skal alltid vere med (sjølvsagt òg kart, men sidan kartet varierer avhengig av kvar du er, blir ikkje det rekna som grunnutrusting).
2. Hovudlykt er viktig å ha for å kunne orientere seg i mørkeret.
3. Kniven skal alltid liggje i sekken! Han er eit allsidig verktøy vi ofte treng!
4. Førstehjelpsutstyr og reparasjonssett (minimum ein enkeltmannspakke, sportstape, støttebandasje, nål og tråd, smertestillande, sårsalve og nokre plaster). Med dette kan du hjelpe deg gjennom det meste du skulle komme ut for av uhell på deg sjølv eller utstyret ditt.

Les meir om 🧰Førstehjelpsutstyr (nynorsk).

• Tilleggsutstyr vinter

Spade

Ein god og lett turspade kan vere livsviktig å ha med seg i vinterfjellet.

Skredsøkjar (viss du går i skredfarleg terreng)

Viss uhellet er ute og turkompisen din blir teken av skred, er det lurt å kunne gå raskt i gang med søk.

Termos

På vinterturar er det veldig lurt å ha med seg varmt vatn å drikke. Termosen kan derfor erstatte den vanlege vassflaska.

Dagstur

På dagsturar treng du ikkje like mykje utstyr, men noko er lurt å alltid ha med i tilfelle vêret skiftar, tida spring frå deg eller du er uheldig og plumpar. Det meste vi har med av grunnutrusting på dagsturar, er altså tryggingsutstyr.

Ha alltid med dette:

Oppgåver

Tekst

• Bjørn Henrik Stavdal Johansen og Gina Wigestrand, Snuitide (2022)
• «Pakkeliste for teltturen»: Gina Wigestrand, Snuitide (2022)
• «Døme på pakkeliste til sommartur»: Den Norske Turistforening (2019)
• «Døme på pakkeliste til vintertur»: Den Norske Turistforening (2019)
• «Innhald i dagstursekk på skitur»: Røde Kors (u.å.), omarbeidd av Gina Wigestrand, Snuitide