Pakkelista er berekna på tur frå hytte til hytte. Ei utrusting som den som er skildra nedanfor, veg totalt 7–12 kg.

Skal du sove ute, så sjekk ut 🏕️Pakkeliste for teltturen (nynorsk)

Påkledning

• regntøy (jakke og bukse)
• tynn vindjakke og turbukse (med god fukttransport)
• undertøy i ull/ullblanding + ekstra skift
• sokkar med mykje ull og god passform + ekstra skift
• ullgenser/jakke eller tynn dunjakke
• lue
• ullvottar eller andre vantar/vottar som er varme sjølv når dei er våte
• lette innesko/inneklede
• fjellstøvlar og gjerne gamasjar
• shorts og T-skjorte (ull/kunstfiber) viss det er meldt varmt vêr

Utstyr

• ryggsekk med passe volum til innhald
• vasstett pose som passar nedi sekken (ev. regntrekk utanpå sekken)
• lakenpose (ev. lett sovepose)
• førstehjelpssaker med gnagsårplaster og sportstape
• toalettsaker (berre nødvendige) og eit lite/lett handkle
• litt toalettpapir, handsprit og ein ekstra søppelpose
• solbriller og solkrem
• myggmiddel/myggnett
• kart, kompass og kartmappe
• liten kniv
• fyrstikker/lighter
• lita hovudlykt/lommelykt
• mat/godteri for dagen og drikkeflaske (ev. termos til varmt drikke)
• pengar/kort
• DNT-nøkkel
• medlemskort i DNT (dette lastar du enkelt ned digitalt)
• proviant viss du skal besøkje ubetente hytter

Tips

• Lette inneklede bør vere klede som òg er eigna på tur. Med to trøyer har du éi på tur og den andre til bruk inne på hytta. Skyl/vask ullundertøy og sokkar ved behov når du kjem til hytta, då rekk kleda å tørke til neste dag.
• Ei tynn vindjakke er meir behageleg å bruke enn regntøy/skaljakke når det berre blæs.
• Vurder òg å ha med eit lett/tynt liggjeunderlag og ein nødbivuakk/overlevingspose i aluminium for ekstra tryggleik.
• Ta gjerne med GPS, men ikkje som erstatning for kart og kompass.
• Lad opp batteriet på mobiltelefonen før turen, og spar på batteriet undervegs. Hugs at store delar av fjellet er utan dekning.
• Ha alltid med refleksvest til bruk i nødssituasjonar.

Tekst

• «Døme på pakkeliste sommartur”: Den Norske Turistforening (2019)