- La elevane pakke ein dagstursekk/langtursekk heime og ta denne med på skulen. Elevane presenterer det dei har pakka, og grunngir kvifor dei har valt det dei har valt.
- Ta med mange forskjellige klede og mykje ulikt utstyr til elevane (eller få elevane til å ta med). Del elevane i grupper og la dei velje utstyr ved å diskutere seg fram til kva dei vil ha med på tur. Her er det mogleg å leggje inn fleire ulike føresetnader:
- Utstyret skal vere billigast mogleg.
- Dei skal klare seg med minst mogleg utstyr.
- Dei skal på dagstur eller tur med teltovernatting.
- Dei skal berre bruke «vanlege» klede og ikkje turklede.
- Dei skal velje det som er mest berekraftig.
- Diskuter korleis målet med turen er med og påverkar kva vi pakkar med oss.
- Korleis kan vi tenkje berekraftig når vi pakkar til ein tur?
NDLA har laga ein ressurs der det er mogleg å lage ei eiga pakkeliste og grunngi denne. Det er ei fin øving for diskusjon rundt kva som er nødvendig å ha med på tur:
Tekst: Gina Wigestrand, Snuitide (2022)
