Kolos, eller karbonmonoksid, er ein gass utan lukt, smak eller farge, og er derfor vanskeleg å oppdage. Kolos er farleg for menneske fordi han fortrengjer oksygen og gjer at vi blir nesten kvelte utan å merke det.

Kolosforgifting er viktig å vere merksam på dersom du fyrer med parafin i telt og snøhòle.

Hugs å alltid mistenkje kolosforgifting dersom du finn ein medvitslaus person nær ei gasskjelde. Steng av gassen, sørg for lufting og fjern personen frå området om mogleg.

Symptom på kolosforgifting

• hovudverk (vanlegast)
• slappheit
• kvalme
• svimmelheit

Viss du sjølv oppdagar slike symptom og er nær ei gasskjelde, ta deg med ein gong ut i frisk luft. Sørg for at gasskjelder er stengde av, og luft godt før du oppheld deg i eit rom, eit telt eller ei snøhòle der det kan ha vore mykje kolos.

Førebygg kolosforgiftingar ved alltid å ha god lufting når du fyrer med gass i telt eller snøhòle.

Utover dette behandlar vi ein person som kan vere kolosforgifta, som andre bevisstlause:

1. Vi sjekkar at den skadde pustar.
2. Vi undersøkjer om den skadde har blødingar.
3. Vi sørgjer for å forhindre varmetap.

Og vi sørgjer for å varsle 113.