Innhald

Snødekket er den mest kompliserte faktoren å vurdere når det gjeld snøskred (Fredston & Fesler, 2011).

Vi skal likevel gå litt inn på tematikken, for det kan vere nyttig å forstå kvifor og når vi skal unngå snøskredterreng. I denne samanhengen tenkjer vi mest på å unngå å vere i utløp for snøskred. Vi kan gå nede i ein dal og utsetje oss for utløp frå terrenget over oss. Vidare skal vi sjå på fem skredproblem.

Hovudmålet med å forstå snøskredproblem er å få hjelp til å kjenne igjen farlege situasjonar og dermed unngå trøbbel. Snøskredproblema fortel deg kva oppbygging snødekket har, og kva snøtypar som mest sannsynleg kan få eit snøskred til å losne.

Viss du vil gå i snøskredterreng, må du passe på at det ikkje finst eit snøskredproblem i/eller over området du planlegg å ferdast i. Nokre snøskredproblem kan du lære deg å kjenne igjen gjennom opplæring. Andre snøskredproblem er skjulte under overflata, og det er umogleg å vite sikkert kvar dei er, sjølv for ekspertar.

Snøskredproblem i området du ferdast i, kan du finne på snøskredvarslinga i appen

Les meir om korleis du bruker snøskredvarselet.

Fareteikn eller alarmteikn er som regel signal om at det er betydeleg ( skredfare 3) eller større snøskredfare. Fareteikn kan òg hjelpe deg til å bestemme kva skredproblem som er til stades.

Tekst