Korleis gå på do ute (nynorsk)

• Ta med nødvendig utstyr:
• dopapir
• handsprit
• ein liten spade
• plastpose – gjerne med ziplock, til brukt papir og brukte bind og tampongar
• Gå langt unna stien.
• Finn ein stad der det er lite sannsynleg at andre går.
• Hald god avstand til vatn.
• Gå minst 100 meter unna bekker, elvar og vatn der folk badar og fyller vassflaska, for å hindre forureining av bekker eller vatn.
• Grav eit hòl i bakken.
• Om det er mogleg, så grav eit ca. 20 cm djupt hòl. Fyll igjen med jord, steinar, mose eller kvistar etterpå.

• Ta med dopapiret heim.
• Naturen bruker lang tid på å bryte ned dopapiret. Det er heller ikkje hyggeleg for andre å komme over brukt dopapir. Dersom du brenner bål, kan papiret òg brennast der.

(Jakhelln, 2021)

1. Pakk toalettpapir i ein liten plastpose saman med antibac. Dette er eit kjekt hygiene-tiltak.
2. Ta ut pappen av toalettrullen og dra papiret ut frå midten. Då sparer du plass, og toalettpapiret kan liggje oppi plastposen medan du dreg ut det du treng.
3. Bruk ein liten plastpose du kan lukke, som søppelpose under toalettbesøket. Slike posar er av tjukkare plast og toler dermed meir, i tillegg er dei enkle å opne og lukke.

(Furuly, 2020)

Latrine

Viss de er større grupper som skal bu på éin stad over lengre tid, så lag ei god latrine:

Finn ein stokk som fungerer som sete, og grav eit djupt hòl. Når de er ferdige, så legg jord og mose tilbake over hòlet.

NB! Toalettpapiret skal ikkje i hòlet, ettersom det tek lang tid å bryte det ned. Ta med brukt toalettpapir i ein pose og brenn det på bålet, dersom de lagar bål, eller kast det i søpla når de kjem heim.

Hugs å ha handsprit lett tilgjengeleg, og vask hendene med lunke vatn og såpe etterpå.

Vatnet kan de varme på stormkjøkken, eller de kan bruke vatn frå termos blanda med kaldt vatn.